Kũbanga ũciari kwĩ bata nĩkĩ

Kũbanga ũciari nĩ rĩrĩa andȗ methurĩra mũigana wa ciana iria makwenda kȗgĩa na gũtua megȗikara kahinda kaigana atĩa matanagĩa mwana ȗngĩ. Kȗbanga ȗciari gȗkonainie na mahȗthĩra ma mĩthemba ĩtiganĩte ya njĩra cia kȗgirĩrĩria kȗoha nda no kȗrȗta nda ti gwa itari. Kȗbanga ȗciari kwagĩrĩirwo nĩ gȗkorwo gwĩ gwa kwĩyendera kuogȗo gȗtirĩ mȗndȗ wagĩrĩirwo nĩ kwĩra andȗ atĩ no nginyagia mahȗthĩre ȗbangi wa ȗciari kana makȗhȗthĩra njĩra ĩrikũ ya ȗbangi wa ȗciari. Mȗthemba ȗrĩa mȗndȗ akȗhȗthĩra wagĩrĩirwo nĩ gȗkorwo wĩ wa kȗringana na wĩtĩkio na mĩtugo ya mȗndȗ.Wĩtagwo ũũ tondu nĩuteithagia mũndũ gũthuura rĩrĩa ekwenda kuoha nda, na kũmenya ũrĩa ekwĩgirĩrĩria kuoha nda angĩkorwo ndareenda.

Kũbanga ũrenda gũciara ciana cigana na nĩrĩ ũgũciciara gũteithagia mwana, nyina na mũciĩ wothe. Rĩrĩa wabanga kũgĩa mwana, mwana ũcio aciaragwo ena ũgima wa mwĩrĩ, akoonga kahinda karaihu na agakũra weega. Nyina nĩ ahotaga gũcokereria hinya mwĩrĩ atanoha nda rĩngĩ. Nĩahotaga kuona mahinda maingĩ makũrora mwana na kũrora mũciĩ wake. Mĩciĩ nĩ ĩkoragwo na mbeca cia mahũthĩro ta kũgũra irio, nguo, kũrĩha nyũmba na gũthooma. Atumia na ciana ciao makoragwo na ũgima wa mwĩrĩ rĩrĩa atumia na ciana cia tũirĩtu metagĩrĩra makinyie miaka ikũmi na ĩnana matanoha nda na magaciara matanakinyia miaka mĩrongo ĩtatũ na ĩtano. Magĩrĩirwo nĩ gweterera mĩaka ĩĩrĩ thutha wa gũciara matanoha  nda rĩngĩ. Thutha wa nda kuuma nĩwega gweterera mĩeri ĩtandatũ ũtanoha nda rĩngĩ.

Ciana na manyina mao magȗkorwo na ȗgima wa mwĩrĩ korwo atumia (na tuirĩtu) no meterere nginyagia mahingie mĩaka ikũmi na ĩnana matanagĩa ciana na macigĩe matanakinyia mĩaka mĩrongo ĩtatũ na ĩtano. Magĩrĩirwo nĩ gweterera mĩaka ĩrĩ thutha wa kȗgĩa mwana matanageria kȗgĩa mwana ungĩ. Ikuo cia ciana na kȗhoma ikoragwo ciĩnyinyĩ rĩrĩa atumia meterera kahinda gatanyihĩire miaka ĩrĩ thutha wa kȗgĩa mwana matanageria kugĩa mwana ȗngĩ. Nĩwega gweterera mĩeri ĩtandatũ thutha wa nda kuma kana kȗruta nda ũtanageria kȗgĩa mwana ungi. Kahinda kaiganu ga gȗtagania ciana nĩ kongagĩrĩra ugima wa mwĩrĩ wa ciana na manyina mao.